食個豐富既Lunch，心情都會靚啲🥰
但作為一個九龍人，係咩驅使到我要快閃銅鑼灣食Lunch呢？😋
係「雲壽司」呀！因為呢到出名午市Omakase性價比超高，好多時都滿座㗎！一向鍾意食日本嘢嘅我梗係要訂位試吓啦！🍣
蔥拖羅手卷
拖羅好鮮甜，紫菜夠脆，仲要連啲蔥都咁新鮮！嚴選日本靚米煮嘅飯真係特別好味😋
🍣廚師發板壽司10件
每件壽司師傅都搽咗少少豉油同埋加咗Wasabi，如果唔食Wasabi嘅朋友可以預先提出呀！今次師傅安排咗好多我第一次食嘅壽司比我試！
鰤魚、白蝦質感好鯰滑，依左目同金木鯛味道唔錯，吞拿魚面珠真係好特別，灸燒過所以算係半生熟，好香口，鮮甜得來有少少煙韌！螢光魷魚真成隻放入口既感覺真係好過癮，鮮甜又多汁，姜蓉同佢真係完美配合！赤貝同活北寄貝，好新鮮同埋爽口，北海道海膽嘅鮮甜的確係冇得輸，最後食埋肥美既大拖羅，滿口油香，真係好滿足呀！
.
.
.
.
.
雲壽司 Sushi Kumo
#銅鑼灣餐廳推薦 #銅鑼灣廚師發辦 #omakase #壽司刺身 #日本直送 #hkfoodie #hkfoodblogger
Search